सुन्दर देखिन मन छ ? नेपालमा गर्न सकिन्छ कस्मेटिक सर्जरी


आर्थिकी
...

कस्मेटिक सर्जरी अर्थात सुन्दरतामा निखार ल्याउने एउटा प्रकृया हो ।

कस्मेटिक सर्जरीलाई प्लास्टिक सर्जरीकै एउटा विधि मानिन्छ ।
विशेषगरी अनुहारमा नमिलेको भाग र चाउरी परेको छालालाई तन्काउनेदेखि लिएर सुन्दर अनुहार तथा शरीरका लागि कस्मेटिक सर्जरी गर्ने गरिएको छ ।

शरीरको बाहिरी अंगमा कुनै कमी महसुस भएमा कस्मेटिक सर्जरी गरेर परिपूर्ति गर्ने गरिन्छ ।

कस्मेटिक सर्जरीबारे सही जानकारी पाउन नसक्दा यो सेवा लिन चाहने धेरै मानिस सेवाबाट वञ्चित हुँदै आएका छन् ।

सकेसम्म प्लास्टिक तथा कस्मेटिक सर्जनसँग सल्लाह लिएर मात्र सर्जरी गर्नु उपयुक्त हुन्छ । कस्मेटिक सर्जरी सेवा नेपालमै सर्वसुलभ तरिकाले गरिँदै आएको छ ।

त्रिवि शिक्षण अस्पतालका छालारोग विशेषज्ञ प्राडा अनिलकुमार दासका अनुसार कस्मेटिक सर्जरीको मुख्य उद्देश्य सुन्दर देखिनु हो । बाहिरी रुपमा सुन्दर देखिन शरीरका विभिन्न अंगको प्लास्टिक सर्जरी गरिन्छ ।

विशेषगरी आँखा, नाक, छाला, नमिलेको गाला तथा निधारजस्ता अंग मिलाएर सुन्तरतामा निखार ल्याउन कस्मेटिक सर्जरी गर्नेको संख्या बढ्दो छ । फिटनेसमा ध्यान दिने महिलाले ठूलो वा झोल्लिएको ब्रेस्टलाई सानो र आकर्षक बनाउन सर्जरी गर्छन् ।

गर्भावस्थामा पेट र तीघ्रामा आउने स्ट्रेचिङ धेरै भएमा हटाउन सर्जरी गर्न सकिन्छ । त्यसैगरी मोटोपन घटाउन, पुरुषको ठूलो छाती सामान्य अवस्थामा ल्याउन तथा आगो वा अन्य चोटपटकबाट बनेको घाउ मेटाउन समेत सर्जरी गर्न सकिन्छ ।

साना आँखालाई अलिक ठूलो र आकर्षक देखाउन, ठूलो वा नमिलेको नाकलाई सुन्दर देखाउन । जसलाई राइनो सर्जरी भनिन्छ, आँखा, नाक, छाला, नमिलेको गाला, निधार आदि मिलाएर सुन्दरतामा निखार ल्याउन, महिलाको ठूलो वा झोल्लिएको छातीलाई सानो वा आकर्षक बनाउन, गर्भावस्थामा महिलाको तिघ्रा तथा पेटमा आउने ‘स्ट्रेचिङ’ अर्थात् सेतो धर्सा केही हदसम्म भए पनि मेटाउन, मोटो पेटलाई घटाउन,पुरुषको सानै उमेरमा छाती ठूलो छ भने त्यसलाई सामान्य अवस्थामा ल्याउन, आगोले पोलेको दाग हटाउन, जोडिएका औंलाहरु छुटाउन, बांगो कान सामान्य जस्तै बनाउन, ‘सिलिकन ब्रेस्ट इम्प्लान्ट’ गरी सानो स्तनलाई ठूलो बनाउन, – काटिएको ओठ बनाउन, ओठ सानो वा ठूलो बनाउन, आँखाको तलपट्टि जमेको बोसो हटाउन सर्जरी गराउन सकिन्छ । तपाईलाई यस्तै खालका केही समस्या वा आकर्षक देखिन मन छ भने कस्मेटिक सर्जरी गर्न सक्नु हुन्छ ।

प्रतिक्रिया दिनुहोस्

All rights reserved ©2021 Arthiki

Powered by Appharu.com